ကျနော်တို့  အဖေ
အဖေဟာ ၁၉၃၅ ခုနှစ်ဖွား တိုင်းရင်းသား စစ်သားဟောင်းတစ်ယောက်ပါ။ ရုပ်ရည်ရူပကာ ကတော့ ခန့်  ခန့်  ထည်ထည်နဲ့  တည်ငြိမ်တဲ့ အထဲမှာပါပါတယ်။ ရုပ်ရှင်သရုပ်ဆောင် ဦးကျော်ဟိန်းနဲ့  နဲနဲ ဆင်ပါတယ်။ ဦးကျော်ဟိန်းလို ပုံပျက်ပန်းပျက် ၀တဲ့အထဲမှာလဲ မပါပါဘူး။ မျက်နှာကျ တူတာကို ပြောချင်တာပါ။ ကျနော်လိုက်လို့  မမှီနိုင်တာတွေ ကလဲ အဲဒီ အရည်အချင်းတွေပါ။ ဟဲ ဟဲ ကိုယ်ဘာသာ ညံ့တယ်လို့  ၀န်ခံလိုက်ပါ့ဗျား။ သူတို့  ခေတ်က တပ်မတော်မှာ လူအင်အား လိုအပ်နေတဲ့ အချိန်ပါ။ နိုင်ငံတော်ကို ချစ်လို့ ၊ တိုင်းပြည်ကို တကယ် ကာကွယ် ချင်ကြတဲ့ သူတွေသာ စစ်တပ်ထဲ ၀င်ကြတာပါ။ ခုတော့ ကျနော် မမွေးခင်လောက်မှာ အဖေဟာ စစ်တပ်ထဲက ထွက်လိုက်ပြီးပါပြီ။
တခါတလေ သူငယ်ငယ်က အတွေ့  အကြုံတွေ ပြောပြတတ်ပါတယ်။ ရန်သူ့  မိုင်းကို ရှင်းဖို့  ရာ ၀ါးပင်ကို ခုတ်ပြီး အရင်းပိုင်းက ကိုင်ကာ၊ သွားမဲ့ လမ်းကို ထိုးသွားကြရတယ် လို့  ပြောပါတယ်။ ၀ါးပင် အဖျားတွေ ခတ်လိုက်လို့  ရန်သူ့  မိုင်းတွေကွဲတဲ့ အခါ လူတွေနဲ့  အလှမ်း နဲနဲဝေးလို့  ဒဏ်ရာရသူ နည်းစေတယ်လို့  လဲပြောပါတယ်။ ခုခေတ်လို မိုင်းရှာကိရိယာ ဆိုတာ ဘာမှန်းမသိပါဘူးတဲ့။ ပြီးတော့ သူတို့  တုန်းက သေနတ်ဆိုတာ စစ်သည်က ကိုယ်ပိုင်လိုပဲ အိမ်မှာ (တပ်ထဲကအိမ်) သာထားကြပါတယ်တဲ့။ ခုခေတ်လို စစ်သည်တွေ လက်နက်တွေ ခိုးပြီး တောခိုမှာ ကြောက်လို့  သေနတ်တွေကို လက်နက်တိုက်ထဲမှာ သံကြိုးနဲ့  တွဲ သော့ အထပ်ထပ်ခတ် ထားရတာမဟုတ်ပါဘူး။
သေနတ်ကို ကိုယ်တိုင်ပစ်ရမယ့် စစ်သည်ဟာ ကိုယ့်စိတ်ကြိုက် ထိန်းသိမ်း၊ ပြုပြင်၊ တိုက်ချွတ် ကြရပါတယ်။ ဒါမှလဲ သေနတ်နဲ့  လူဟာ တသားထဲ ကျပြီး ပစ်မယ်ဆိုတဲ့ အချိန်မှာ အဆင်သင့် ရှိနေမှာလို့  ပြောတတ်ပါတယ်။ ဒါပေမဲ့ မှတ်မှတ်ရရ သူဘယ်သူပုန်ကို ဘယ်လို ပစ်သတ်လိုက်ပါတယ် လို့  ဂုဏ်ယူပြီး ပြောတတ်သူ မဟုတ်ပါ။ ခုလက်ရှိ စစ်ဗိုလ်ဖြစ်သွားတဲ့ သူငယ်ချင်းတွေ ပြောလေ့ရှိသလို ဘယ်တုန်းက သူပုန်လို့  ထင်တဲ့သူကို တပ်ရင်းမှူးက ခိုင်းလို့  ဘယ်လို ပစ်သတ်လိုက်တာ တို့ ၊ ခိုင်းတာ မလုပ်တဲ့ ပေါ်တာ (porter) တွေကို ဘယ်လို ပစ်သတ်ရ လိုက်ရတာတို့  လို တခါမှ မကြားဘူးပါ။ ဒါမျိုးတွေကို သူငယ်ချင်းစစ်ဗိုလ်တွေ မြိန်ရေ ရှက်ရည် ပြောတာ ကြုံခဲ့ ရဘူးပါတယ်။ အဖေကတော့ တိုင်းရင်းသားချင်း သတ်ရတာကို နှစ်မြို့ဟန် မတူပါဘူး။
အဖေနဲ့  ပတ်သတ်လို့  အမှတ်ရစရာတွေ အများကြီးပါ။ အဲ့ဒီထဲမှာမှ ကျနော် မှတ်မိတာလေးတွေ ပြောပြချင်ပါတယ်။ အဖေဟာ စစ်သားဟောင်းကြီးဖြစ်လို့  တော်တော်ကို အတွေ့  အကြုံများပါတယ်။ တောထဲမှာ ကိုယ်ဘာသာ ရှင်သန် ဖို့  ကြိုးစားခဲ့ ရလို့  စစ်တပ်က အငြိမ်းစားယူတဲ့ အချိန်မှာ အားလုံးတတ်နေတယ်လို့  ထင်ရအောင်ကို ပညာ ပြည့်စုံပါတယ်။ သစ်၊၀ါးတွေနဲ့  အိမ်ကို ကိုယ်ဘာသာ ဆောက်တတ်ပါတယ်။ အသက်ကြီးလို့  သူကိုယ်တိုင် မလုပ်နိုင်ပေမဲ့ ဌားလုပ်တဲ့ လက်သမား မှန်သမျှ အဖေ့ ကော်မန်း (command) ကို မငြင်းနိုင်ပါဘူး။
ကျနော် သိတတ်စလောက်မှာ အဖေနဲ့  အမေ စိတ်ဆိုးပြီး အဖေဆင်းသွားဖူးပါတယ်။ တစ်လလောက်နေတော့ ကျနော် တို့  အဖေ့ဆီ လိုက်သွားကြည့်တဲ့အခါ တောင်ပေါ်မှာ ၀ါးအိမ်လေး သပ်သပ်ရပ်ရပ်နဲ့  စိုက်ခင်းလေးနဲ့  စိုပြေနေတဲ့ အဖေ့ရဲ့ နေရာသစ်ကို တွေ့  ရပါတယ်။ စိုက်ပျိုးရေးမှာလဲ ဘယ်အပင်ကို ဘယ်လိုစိုက်ရမယ် ဆိုတာက အစ ကျွမ်းကျင်ပါတယ်။ ကျနော်တို့  ရောက်သွားတော့ မှတ်မှတ်ရရ အဖေ သူ့  အိမ်လေးမှာ မရှိပါဘူး။ အနီးပါးက စိုက်ခင်းမှာ အလုပ်ရှုပ်နေပုံရပါတယ်။ ဘယ်သူနဲ့  အဖေဆီသွားကြသလဲတော့ ကျနော်ငယ်လွန်းလို့  မမှတ်မိပါ။
အဖေရှိတဲ့ နားကိုသွားတော့ စိုက်ခင်းလေးက စမ်းချောင်းလေးနားမှာပါ။ စိုက်ခင်းမှာလဲ (ကျနော် မှတ်မိသလောက်) မုန်လာပင်၊ ချဉ်ပေါင်ပင်၊ နောက် ပြောင်းဖူးပင်တွေနဲ့  တခြား ကျနော် မသိတဲ့ အပင်တွေ စိုက်ထားပါတယ်။ နောက်တစ်ခု ပိုမှတ်မိတာက စမ်းချောင်းလေးနားမှာ ယုန်ကလေး တွေဖြတ်ပြေးသွားတာပါပဲ။ အဲ့ဒီနေက အဖေဆီမှာ ထမင်းစားပါတယ်။ ထမင်းချက်တာ မြေအိုးကလေး နဲ့  လို့  ထင်ပါတယ်။ ဘာတွေစားလဲ တော့ မသိတော့ပါဘူး။ ယောင်္ကျားကြီးတစ်ယောက်ထဲ နေပေမဲ့ မီးဖိုချောင် ပစ္စည်းကအစ၊ ရှိတဲ့ ပစ္စည်းလေးတွေ ဟာ သူဟာနဲ့  သူ နေရာကျနေတာ ကိုတော့ ကောင်းကောင်း မှတ်မိပါတယ်။ ဒါက ကျနော့ (memory) ထဲက တစ်ခုပါ။
နောက်တစ်ခု ကျနော်မှတ်မိတာလေး တစ်ခုက အဖေ တိုက်ကြီး ဂျိုးဖြူမှာ သွားနေတုန်းကပါ။ ဂျိုးဖြူ က တိုင်းဗဟိုလေ့ကျင့်ရေး တပ်ဟာ အဖေ စစ်တပ်ကနောက်ဆုံး ထွက်လာတဲ့နေရာပါ။ အသိအကျွမ်း များတာရယ်၊ ကိုယ်နေခဲ့တဲ့ တပ်နယ်မြေဖြစ်တာကြောင့် အဖေအဲ့ဒီမှာ သစ်စက်နဲ့  စီးပွားရေး လုပ်ပါတယ်။ ကျနော် ၂ တန်းမှာ အရေးအခင်းဖြစ်လို့  ကျောင်းတွေ ပိတ်ထားတုန်း အဖေဆီ သွားလည်တာပေါ့။ ပျော်တာမှ အရမ်းပဲ။ အဲ့ဒီမှာ ၁၀ ရက်လောက်နေခဲ့တယ်လို့  ထင်တယ်။
ဒီနေရာမှာ အဖေနဲ့  ပတ်သတ်လို့  အဖေ့ရဲ့စိတ်နေ သဘောထားလေး နဲနဲပြောပါရစေ။ အဖေက စကားပြောရင် မဖွဲ့  နွဲ့  တတ်သလို တုံးတိ လဲ မဆန်ပါဘူး။ တဘက်သား ကို နားလည်အောင် ရှင်းပြတတ်ပါတယ်။ စိတ်တို ရင်တော့ ပြတ်ပြတ်ပြောပါတယ်။ တစ်ခု ပြောစရာရှိတာက သူများတကာကို လုံးဝ အားနာ၊ သနားတတ်ခြင်းပါပဲ။ လူလည်လူပါး သူငယ်ချင်းတွေက အကူအညီ လိုတိုင်း လာလာငိုပြကြတာ မှတ်မိသေးတယ်။ နောက်ပြီး တော်တော်ကို ရိုးအ ပါတယ်။ ရိုးတယ်လို့  ပြောရင်ပိုကောင်းမလားပဲ။ “အ” တော့မ “အ” ပါ။ လူများတကာကို အသုံးချလိုမှု၊ ရယူလိုမှု တို့  နဲ့  ဘယ်သော အခါမှ မပေါင်းတတ်ပါဘူး။ အသုံးချတယ် ဆိုတာလဲ ဘယ်လိုမှန်းသိမှာ မဟုတ်လောက်ပါဘူး၊ ရိုးချက်က အဲ့လို။
အဖေ သစ်စက်လုပ်တော့ ငွေတော်တော် ပေါပါတယ်။ ဒါပေမဲ့ ဘယ်သောခါမှ စုဆောင်းမိတယ် မရှိပါဘူး။ သဘောကောင်းတာရယ်၊ သနားတတ်တာရယ်နဲ့  ပဲ ငွေတွေ ကလျောကနဲ လျောကနဲ ကုန်တာပါပဲ။ အဖေတို့  အလုပ်က ပင်ပန်းတော့ ညဖက်ရောက်ရင် သူ့  ဘော်ဘော်တွေနဲ့  ၀ိုင်းတတ်ကြပါတယ်။ တစ်ရက် ၀ိုင်းတဲ့နေ့ ကတော့ မှတ်မှတ်ရရ အဖေက သူ့  မွေးနေလို့  ဆိုပါတယ်။ ကျနော်လဲ ဘယ်ရမလဲ ၀ိုင်းဘေးကနေ အမြည်းဝင်တွယ်တာပေါ့။
အိမ်ပြန်ရောက်လို့  အမတွေကို မေးကြည့်တော့မှ အဖေ ကျနော့ကို ဘတ်ကီးရိုက်မှန်း သိတာ ဟားဟား။ အဖေ့မွေးနေ့  မဟုတ်ဘူးလေ၊ သားရှေ့မှာ ဒီအတိုင်းသောက်လို့  မသင့်တော်လို့  မွေးနေ့  လို့  ကျနော့ကို ဘတ်တာ။ ဟီးဟီး အမတွေ ပြောမှ သိတာ။ ဒါတောင် ဘာကြောင့် ဘတ်မှန်း ကြီးလာမှ စဉ်းစားမိတာလေ။ ဟုတ်တော့ဟုတ်တာပဲ သားသမီးရှေ့မှာ အရက်သောက်တာ ပလိန်းကြီး သောက်လို့  မှ မသင့်တော်ပဲ ဟုတ်တယ်ဟုတ်။
ကျနော်ကတော့ အဖေ့ဆီ နေရတာ အကြိုက်ပဲ၊ ငွေကြိုက်သလောက်ယူ ဈေးဆိုင်တန်းမှာ မုန့်  စားလိုက်၊ ကြံရည် ဖျော်ရည် သောက်လိုက်နဲ့  ဟုတ်နေတာပဲ။ ကလေးဆိုတော့လဲ ပျော်တာပေါ့။ အဖေက သစ်စက် လုပ်တော့လဲ အပင်တွေ စိုက်တဲ့ အကျင့်ကောင်းလေးက ပျောက်မသွားပါ။ တနိုင် သီးပင်၊ စားပင်ကတော့ စိုက်တာပဲ။ အဖေတို့  ခေတ်လောက်ကလူတွေက ဒီလိုမှ အလုပ်မလုပ်ရရင် နေနိုင်ကြသလိုပါပဲ။
ဒယ်ဒီဖားသားနဲ့  မာမီမားသားတို့  ဖူးစာဆုံတာလေးကလဲ ၀တ္တုထဲကလို ကဗျာဆန်ဆန်လေးပါ။ ကျန်းမာရေး မကောင်းတဲ့ အဖွားကို ကျနော့်အမေက ရန်ကုန်မှာ ဆေးကုဖို့  သင်္ဘောနဲ့  အလာ၊ သင်္ဘောပေါ်အတက်မှာ အမေ့ရဲ့ လည်မှာစည်းထားတဲ့ ပုဝါလေးဟာ လေမှာ လွှင့်ပါသွားပြီး စစ်သားကြီး အဖေ့ ခြေထောက်နားမှာ သွားကျသတဲ့။ ကဲ ဘယ်လောက်ကဗျာ ဆန်လိုက်သလဲ။ အဲ့လို သိပ်ချစ်ကြလို့  ပဲထင်ပါရဲ့ အမေနဲ့  အဖေ သိပ်မတဲ့ကြဘူး။ မှတ်မိသလောက်တော့ အဖေကပဲ စိတ်ကောက်ပြီး အိမ်ပေါ်က ဆင်းဆင်းသွားတာများသလို ပါပဲ။ ဟီးဟီး ခုမှပြောရဲတာ။ ငယ်ငယ်ကတော့ ကြောက်မှကြောက်၊ စစ်သား လက်သီး တစ်ချက်မြည်း အီးအီး ထွက်လတံ့ပဲလေ။ လက်သီးတစ်လုံးတစ်လုံးက မျက်နှာနဲ့  ဆိုက်ချင်းအတူတူပဲ။ တကယ်တော့လဲ မလုပ်တတ်ပါဘူး။ ကျနော် အရိုက်ခံရတာဆိုလို့  သိပ်မရှိသလောက်ပဲ၊ ကျနော်ကလူလည်ဗျ၊ ဖားတတ်တယ်။ အရိုက်မခံရခင်ကထဲက အရူးကွက်နဲ့  ပတ်ပြေးတတ်ပါသဗျ။
ကျနော် ခုနှစ်တန်း၊ ရှစ်တန်းလောက် အရောက်မှာ ကျနော်တို့  အိမ်နဲ့  သိပ်မဝေးတဲ့ ငါးကန်တွေမှာ အဖေက ကြီးကြပ်တဲ့ အလုပ်လုပ်ပါတယ်။ ဒီအလုပ်ကလဲ သူနဲ့  ကိုက်တာက ငါးကန်တွေနားမှာ သူ့  ၀ါသနာ အတိုင်း ကိုယ်နေဖို့  အိမ်လေး ကိုယ့် ဘာသာ ဆောက်နေလို့  ရတာရယ် တပည့်တပန်းတွေ ရှိတာရယ်၊ နောက်ပြီး အပင်တွေ စိုက်လို့  ရတာရယ်ပေါ့။
ဒီနေရာမှာ အဖေ ဆောက်တဲ့ အိမ်သေးသေးလေးတွေ အကြောင်းနဲနဲ ပြောပြချင်ပါတယ်။ အိမ်လေးတွေကို မျှောတိုင်တွေနဲ့  ဖရိန် (Frame) တည်ပါတယ်။ ၀ါးကို ကိုယ့်ဘာသာ ခုတ်၊ ကိုယ့်ဘာသာခွဲပြီး ထရံရက်၊ နောက် မျက်နှာစာမှာ ၀ါးနဲ့  ပဲ မှန်ကူကွက်တွေ လုပ်တာပါ။ တော်တော်ကို သပ်သပ်ရပ်ရပ်နဲ့  ခိုင်ခံ့မှု ရှိပါတယ်။ လေ၀င်လေထွက်လဲ ကောင်းပါတယ်။ အိမ်သေးသေးလေးထဲမှာ ဘုရားစင်၊ အိပ်ခန်း၊ မီးဖို နေရာ တွေဟာနဲ့  သူဟာနဲ့  သူ နေရာတကျ ပါဝင်ပါတယ်။ အမိုးကလဲ သက်ကယ်အမိုးပါ။ ဓနိပျစ် တွေဝယ်စရာမလိုပါ။ ကြမ်းပြင်ကတော့ ၀ါးတစ်မျိုး (၀ါးပိုးဝါးလို့  ထင်ပါတယ်) ကို ပြန့်  ပြူးနေအောင် ခွဲခြမ်းပြီး ခင်းပါတယ်။ ချောမွေ့  နေအောင်ပြုပြင်ထားပါတယ်။
ကျနော် ကျောင်းပိတ်ရင် အဖေ့ဆီသွားပါတယ်။ ကျနော်သဘောကျတာက လေကောင်းလေသန့်  တွေ အားပါးတရကို ရှုရှိုက်ရတာ၊ လူသံသူသံ တိတ်ဆိတ်တာ တွေကြောင့် စာကောင်းကောင်း ကျက်လို့  ရတာတွေပါ။ နောက်တစ်ခုကတော့ ဟီး.. ဟီး ကျနော့ အကြိုက် အစားအသောက်ပေါ့။ ငါးကန်ဆိုတော့ ငါးက အကြိုက်စားပဲ၊ ငါးသေးသေးဆိုတာက အပြင်းပြေ စားဖို့  ကျော်ထားတာ။ နောက် အသီးအရွက်တွေ ကြိုက်တာ ခူးပြီး ကြော်ချင်သလို ကြော်စားတာတွေလဲပါတယ်လေ။ ဒန့်  သလွန် အရွက် ကတော့ ကျနော့် ဖေးဘရိတ် (Favorite) ပဲလေ။
အဖေကတော့ ကျနော်ဘာလုပ်လုပ် သိပ်အပြစ်ပြောမနေတတ်ဘူး။ အဲ့တော့ ကျနော်က အကြိုက်ပဲ။ ကျနော်ကြော်တဲ့ ဒန့်  သလွန် ရွက်ကြော်ခါးခါးလဲ အဖေပြုံးပြုံး ပြုံးပြုံး နဲ့  စားတာပါပဲ။ ကျနော်သွားရင် အဖေ့အတွက် အမေထဲ့ပေးလိုက်တဲ့ အဖေကြိုက်တဲ့ အမေ့လက်ရာ ရခိုင်ငြုပ်သီးထောင်း၊ တစ်ခါတစ်လေ အညာထောင်း၊ နောက်၊ တစ်ပတ်စာ ဟင်းချက်စရာ ဆန်၊ဆီ၊ဆားတွေ ယူသွားရတယ်။ စာအုပ်တွေတော့ ယူသွားတာပဲ သိပ်တော့လဲ မကျက်ဖြစ်ပါဘူး။ ၀ါးတီးကိုပဲ အားပြုနေတာကိုး။ အဖေဖတ်ဖို့  စာအုပ်တွေလဲပါတာပေါ့။
ရုပ်ရှင်တွေထဲကလို သားသမီးတွေကိုဘယ်လောက် စိတ်ဆိုးဆိုး မြေးကျတော့ မနေနိုင်ဘူးဆိုတာမျိုး လဲ ကြုံခဲ့ ရသဗျ။ အမကြီး အိမ်ထောင်ပြုတာကို အဖေကသဘောမတူလို့  ယူပြီးကထဲက စကား မပြောတာ ကျနော့်တူလေး မွေးပြီး (၄) လ လောက်ထိပဲ။ တရက် ကျနော်ကျောင်းက ပြန်လာပြီး တူလေးနားမှာ ထိုင်ကြည့်နေတယ်။ အဲ့ဒီမှာ ကျနော့ ဒယ်ဒီပါပါက အပြင်ကပြန်လာပြီး ဘာမပြော ညာမပြော သူ့  မြေးတော်ကို ကောက်မြူပါလေရောဗျာ။ “ဟား.. ဟား.. ဟေ့ကောင်လေး ဖိုးရှုပ်လေး” ဆိုလား ဘာလားပဲ။ အားလုံးကလဲ ကြောင်ပြီးကြည့်နေကြတာ။ နောက်မှ သဘောပေါက်ကုန်ကြပြီး အရှိုရှို ရှောင်ထွက်သွားကြတာ။ လူကြီးရှက်မှာဆိုးလို့  လေ။
၁၉၉၈ ကျနော် ၁၀ တန်းတက်နေတုန်း မှာ ဒယ်ဒီ လူ့  ဘောင်ကို စိတ်ကုန်လို့  သာသနာ့ဘောင် ၀င်သွားလေရဲ့။ ကျနော် ၁၀ တန်းအောင်လို့  ကျောင်းဝင်ခွင့်တွေဖြေတိုင်း “မင်းအဖေက ဘုန်းကြီး တောင်ဝတ်သွားရတယ်ဆိုတော့ မင်းတို့  တွေ တော်တော် ဆိုးမှာပဲ” လို့  ဟာသနှောပြီး အမြဲ အပြောခံရတတ်ပါတယ်။
သားသမီးတိုင်း ကိုယ့်မိဘနဲ့  ပတ်သတ်လို့  မှတ်မိနေကြတဲ့ အကြောင်းအရာလေးတွေ ရှိကြမှာပါ။ ကျနော် ဒီအကြောင်းတွေ ရေးရတာက ကိုယ့်ရဲ့ မှတ်ဥာဏ်လေးတွေ မလျော့နဲ သွားခင် အမှတ်တရ ဖြစ်စေချင်တာရယ်၊ ဖတ်မိကြသူတိုင်း ကိုယ့်ခံစားချက်လေးတွေကို ကလောင်သွားထက်တင်ပြီး သူများကို မျှဝေ ပေးစေလိုတာ တွေကြောင့်ဖြစ်ပါတယ်။
၁၉၉၈ ခုနှစ်ထဲက သာသနာ့ဘောင် ၀င်သွားတဲ့ ကျနော့် အဖေဟာ ခုထိလဲ ဘုရားရှင်ရဲ့ သားတော်အဖြစ်ပဲ သာသနာ့ဝန်ကို ဆက်လက် ထမ်းဆောင်နေပါတယ်။ ခု ၂၀၁၀ ကမ္ဘာ့ဖလား ကာလမှာတော့ ဘုန်းဘုန်းလဲ ၀ါသနာလေးကို မစွန့်  နိုင်သေးတာကြောင့်ရယ်၊ သူ့  ကျောင်းသားတွေ အပန်းပြေ ကြရ စေအောင်ကြောင့်ရယ် တောင်အာဖရိက နိုင်ငံမှာ ကျင်းပတဲ့ ကမ္ဘာ့ဖလား ဘောလုံးပွဲတွေကို သူ့  သား/သမီး များလှူဒါန်းတဲ့ ၂၄ လက်မတီဗွီ နဲ့  အားပေးလျက်ရှိနေပါတယ်ဗျိုး။
ဖတ်မိသမျှ၊ သင့်ဒုက္ခ၊
ပြေပျောက်ပါစေ၊ တောင်းဆုချွေသား။
မှတ်မိသမျှ၊ သင့်မှတ်ဥာဏ်လည်း၊
ပေထက်ကလောင်၊ ရွှေရွက်ညောင်ကဲ့၊
အင်တာစာမျက်၊ ဂူဂဲလ်ထက်မှာ၊
တင်ကာမျှဝေ၊ နိုင်ပါစေကြောင်း၊ ဆုချွေတောင်းမိပါ၏။
ပြေပျောက်ပါစေ၊ တောင်းဆုချွေသား။
မှတ်မိသမျှ၊ သင့်မှတ်ဥာဏ်လည်း၊
ပေထက်ကလောင်၊ ရွှေရွက်ညောင်ကဲ့၊
အင်တာစာမျက်၊ ဂူဂဲလ်ထက်မှာ၊
တင်ကာမျှဝေ၊ နိုင်ပါစေကြောင်း၊ ဆုချွေတောင်းမိပါ၏။
